|
A start ku proyekto piloto di spulamento ku fluor |
|
|
|
|
Friday, 17 April 2009 - 15:41 |
|
 Recientemente, riba dia Internashonal di salubridat a inisiá ku un proyekto
piloto yamá Flouride Spoeling , spulamentu ku Fluor. E proyekto aki a kuminsá na
dos skol ku ta Kolegio Reina Beatrix i Skol De Pelikaan. Klik read more pa mas informashon...
Ta trata aki
di muchanan di promé siklo. Diputado enkargá ku salubridat
sr. Elvis Tjin A Sjoe a hasi inisio di e proyekto aki. Tambe tabata presente sra.
Selly Gromotka Hefe di Dienstgezondheidzorg, Mayra Vasuer ku ta Mondhygieniste,
representante di Servisio di Enseñansa i Kultura sra. Renata Domacasse
i tambe Djentista Rob van Dongen. E spulamentu ku fluor ta pa
yuda protehá e djentenan. E intenshon ta pa keda hasi e spoeling aki
un biaha pa siman na skol. Nan a kuminsá ku n’e den promé siklo. Promé ku a yega asina leu
e último siman di mart, Mayra Vaseur mondhygieniste a bai Aruba pa
tres dia i ela haña eksperensia kon nan ta hasi e proyekto aki na Aruba.
Durante su bishita ela bishita tres diferente skol; unu na Nort, Playa
i San Nicolaas. Un danki speshal ta bai na sra. Patricia Angela Thiel
kende ta djentista ku ta traha na Jeugdtandzorg na Aruba ku a duna e
informashonnan i koperashon pa asina awe tambe por a inisiá ku e proyekto
piloto aki na Boneiru. Spulamentu ku fluor ta un método
pa evitá buraku i/òf ku e djentenan ta dañ. Tantu diputado Tjin A Sjoe
komo e hefe di DGH i Renata di SEK a mustra riba e parti di kuido no
di djente so pero en general. Djentista Rob van Dongen a
bisa ku ántes na Boneiru, WEB NV tabata tin fluor den su awa, pero
aktualmente nan tin intenshon pa bolbe pone fluor den awa. Ántes e
fluor tabata bini den forma di un tablèt pero e tipo di fluor
di líkido ta unu muchu mas mihó. Promé ku a inisiá ku e proyekto
piloto aki e muchanan a haña oportunidat pa trein kon ta spula ku e
fluor. Den e kaso aki a hasi uso di awa. Tantu Diputado Tjin A Sjoe
, hefe di DGH, i Renata i tur e maestronan a tuma parti na e spoeling
aki. Foto ta mustra diputado huntu
ku e muchanan hasiendo nan spulamentu ku e fluor.
| Comments () >> |
 |
 |
