| Gana ku Chippie postpago den e gameshow |
|
|
|
| Friday, 03 April 2009 - 14:08 | |
|
Pa luna di aprel, UTS ta brinda tur su fiel klientenan di Kòrsou i Boneiru e posibilidat pa gana sèn kèsh òf un KIA den e tremendo gameshow nobo di TeleCuraçao ‘P’ami òf P’abo?’. Meskos ku durante e kampañanan anterior di TeleCuraçao, klientenan di UTS por risibí e chèns pa partisipá kada luna riba un manera diferente, debí na e variedat grandi di UTS su servisio òf produktonan riba tereno di telekomunikashon. Pa partisipá ku UTS durante luna di aprel pa e kampaña aki ta masha fásil. E biaha aki, klientenan di Chippie postpago ta wòrdu malkriá i ta bai risibí e chèns pa partisipá den e gameshow di TeleCuracao P’ami òf P’abo?. Pa luna di aprel UTS lo bai saka dos kliente di Chippie postpago komo partisipante for di un tómbola digital. Chippie ta ofresé e mihó paketenan postpago kuminsando for di Ang. 20,- te ku Ang. 240,- pa luna. Ku e paketenan postpago aki di Chippie bo ta: Hasi yamadanan gratis pa Chippieland, liña fiho i otro operadornan di telefon mobil; Hasi yamada grátis pa Hulanda (fiho) i Merka (fiho); Paga un tarifa fiho pa luna; I muchu mas.Pues Chippie tin e mihó paketenan postpago i ta ofresé tarifanan atraktivo i simpel pa un i tur su saku. Pues paketenan pa baha gastunan di klientenan. Pasa apliká awor mes na kualke Sentro di Kliente di UTS na Korsou i Boneiru (Sta. Rosa, Sta. Maria, Punda, Gosieweg i Boneiru na Kaya Grandi) pa bo Chippie postpago pa abo tambe por disfrutá di tur e bentahanan di e paketenan aki i alabes risibí e chèns di partisipá den P’ami òf P’abo? E di dos sorteo di e gameshow aki, kaminda UTS lo saka dos kliente di Chippie postpago komo partisipante, lo tuma lugá dia 24 di aprel 2009 na ofisina di UTS Rigelweg via tómbola digital i e promé ‘gameshow live’ lo ta 5 di mei 2009 na TeleCuraçao.
|
