|
Gobiernu ke bini definitivamente ku un sentro pa dialisa |
|
|
|
|
Friday, 03 April 2009 - 14:04 |
 Den kuadro di mehorashon di salubridat i tambe relashoná ku futuro
kambionan estatal, diputado ing. Elvis Tjin-Asjoe ke uni esfuersonan
pa bini ku un sentro a dialisá pa Boneiru, pa di e manera aki trese
alivio i mehorá e situashon doloroso di pashèntnan di nir di Boneiru. Klik read more pa mas informashon...
Konsiente di
e hecho ku e proseso aki ta unu sumamente delikado ademas kostoso ta
tuma e preparashonnan ku e prekoushon nesesario pa logra konkretisá
e meta aki.
Den pasado
tabatin diferente ehersisionan a tuma lugá pa yega na un sentro di
diálisis aki na Boneiru, pero komo ku e asuntu aki ta unu asina delikado
i kostoso no a yega na konkretisá e plan manera deseá.
Diputado Tjin-Asjoe
a establesé e kontaktonan nesesario ku dr. R. Engels, ku ta versá
riba e área
aki i kende ta un spesialista/ internista di Kòrsou. dr. R. Engels
a bai di akuerdo pa duna e konsehonan nesesario huntu ku dr. Giovanni
Frans di Boneiru. Huntu ku e spesialista/internista R. dr. Engels i
dr. G. Frans,tambe a mustra interes sr. Otto Bartels i sr. Louis
Wierda pa duna nan aporte balioso na realisashon di e proyekto aki.
Personanan
ku ta sufri di un malesa króniko di nir, no ta apto pa asumí un trabou
pa mantené nan mes debidamente i esaki por hiba e pashènt di
nir den un situashon finansiero i sosial ménos stabil..Diputado Tjin-Asjoe
ta bisa ku ta hopi importante pa sostené e pashèntnan, sigur komo
ku mester tene na kuenta e aspekto sosial di e pashèntnan.Pa ofresé
e pashèntnan di nir mihó porvenir den su situashon, diputado Tjin-Asjoe
lo bai sondia huntu ku ekspertonan e posibilidat pa brinda e pashèntnan
di nir di Boneiru un kompensashon.
Djaweps mèrdia,
dia 2 di aprel diputado ing. Elvis Tjin-Asjoe a reuní ku dr.R. Engels,dr.
Giovanni Frans, sr. Otto Bartels, sr. Louis Wierda i sra. Adelly
Susanna-Jansen, den un reunion inisial ku lo tin komo meta pa prepará
realisashon di e sentro di diálisis pa Boneiru.
| Comments () >> |
 |
 |
Den kuadro di mehorashon di salubridat i tambe relashoná ku futuro
kambionan estatal, diputado ing. Elvis Tjin-Asjoe ke uni esfuersonan
pa bini ku un sentro a dialisá pa Boneiru, pa di e manera aki trese
alivio i mehorá e situashon doloroso di pashèntnan di nir di Boneiru. Klik read more pa mas informashon...
