| Gobiernu ta reparti un libreto ku splikashon di e pakete ku nos ta vota riba dje den referendum |
|
|
|
| Thursday, 02 April 2009 - 15:20 | |||||
|
Servisio pa Komunikashon i Informashon ta informá lo siguiente. Den kuadro di responsabilidat di Gobièrnu di Kòrsou pa informá komunidat na un manera amplio i korekto, a publiká un libreto ku informashon balioso tokante e pakete di palabrashon ku pueblo lo vota riba dje den e referèndem di 15 di mei próksimo. Klik read more pa mas informashon...
Ta gobièrnu su deber pa duna pueblo
tur informashon nesesario i relevante riba e pakete akí. Ta trata di
un pakete ku ta sigurá ku Kòrsou por asumí su posishon outónomo
den Reino na un manera digno i sigur. E libreto ta splika tur loke a
keda palabrá na plaka chikí i Servisio postal lo parti e libreto kas
pa kas durante e próksimo dos simannan entrante 3 di aprel. For di desèmber último,
Gobièrnu di Kòrsou na un manera totalmente transparente a kuminsá
duna tur informashon disponibel riba kontenido di e pakete. E
libreto akí tambe ta forma parti di e esfuerso kontinuo pa informá
pueblo na un manera korekto. Ta bon pa remarká, ku
un di e tópikonan ku ainda ta den e libreto, ta e outoridat di instrukshon
i e strategia hibá pa kita esaki for di mesa sin pèrdè tur kos durante
e negosiashonnan. E strategia di Gobièrnu a resultá eksitoso i konsekuentemente
resientemente a eliminá e outoridat di instrukshon durante kumbre polítiko
di 26 di mart último.Gobièrnu ke pidi un
i tur pa tuma bon nota di e informashon den e libreto. Den kaso
ku bo no risibí e libreto na kas promé ku 16 di aprel 2009, tuma kontakto
na 0800-1515 òf pasa libremente na Servisio pa Komunikashon i Informashon
den Kaya Grandi na Punda.
Pablo Zimmerman
said:
|
|||||
 |
Srs(a) bon tardi, i un siman fruktifero. Ami personalmente ta masha kontentu ku por fin nos por hanja algu pa lesa, pa asina nos por alimenta nos mes ku informashon, i esaki lo tabata mester ta manera e boletin informativo No. !, pero aki tin algu ku na mi pareser, ta algun omishon nan ta. Den e boeki aki, falta pagina 8 tambe pagina 9,- Na pagina 11 ta dos biaha e mesun kos tin skirbi,e ta dobbel dikon ? pagina 10 i pagina 12 ta mesun kos, esaki tin un motibu ? Pagina 29 ta dos biaha, e tin un motibu ? Pagina 31 i pagina 32 no tei, tin un motibu ? Mi ta hasi e preguntanan aki, pa mi sa si ta falta informashon for di e boeki aki. Ku si akaso ta asina mes e boeki ta traha, tambe laga mi a, i si por ku un tiki di splikashon di lokenan ku mi a emarka. Pablo Zimmerman |
