|
 Dia 26 di mart, bo kompania nashonal di telekomunikashon a selebrá
su di 10 aniversario i ta sumamente orguyoso di por brinda Antia kompleto
i Kòrsou en general, e mihó konekshon den telekomunikashon. Click read more pa mas info...
Ta danki na e konfiansa ku pueblo a pone
den UTS ku awe UTS por selebrá 10 aña di éksito. UTS ta i mester
keda e kompania ku ta garantisá pueblo servisio i produktonan di telekomunikashon
konfiabel i pagabel. E selebrashon di UTS su 10 aña di eksistensia
tabata den un forma úniko. E tabata partí den dos dia. Djarason 25
di mart, empleadonan di UTS a selebrá interkambiando ku otro sosialmente
i djaweps 26 di mart, UTS kompleto a partisipá den un proyekto masha
bunita mes riba un base boluntario pa huntu duna bèk na komunidat. Den e proyekto di d una bek na komunidat
aki, empleadonan di UTS a bishitá diferente instansia aki na Kòrsou
pa duna e habitantenan einan atenshon, amor i kariño. Por ehèmpel
un grupo a bishita Fundashon Tayer Sosial Santa Martha. E grupo aki
a wòrdu dividí den diferente grupo i kada grupo a bishitá un departamentu
kaminda nan a partisipá aktivamente huntu ku e habitantenan den nan
trabounan diario. Esaki a varia for di duna bestia kuminda i krio di
bestia te na plantashon den kunuku. Empleadonan di UTS a bishitá tambe
Stichting Kinderoorden Brakkeput, kaminda nan a subi fli ku e muchanan.
Meskos G.O.G. tambe a haña atenshon, amor i kariño kontando e muchanan
por ehèmpel kuenta. Casa Manita tambe a ser bishitá. E empleadonan
por a sosialisá den un forma interaktivo ku e muchanan. Por ehèmpel
kombersá, hunga spèl, konta kuenta, lesa buki, etc. Nos grandinan
na Huize Welgelegen (Habaai), Nos Lanterno, Richardushuis, Huize Hugenholtz,
Huize Zorg en Hoop, Betèsda tambe a risibí bishita agradabel di empleadonan
di UTS, kaminda e habitantenan a haña atenshon, amor i kariño den
diferente forma. Por ehèmpel kombersamentu, bailamentu, kuido, etc.
I por último na Fundashon Pro Bista nos empleadonan a duna atenshon,
amor i kariño ku e tema baile folklor ku tokamentu di seú. Partisipando na e bunita proyekto aki
empleadonan di UTS kier a selebrá nan di 10 aniversario. Duna bèk
na komunidat no semper mester ta den forma efektivo òf material. Dunando
simplemente atenshon, amor i kariño na habitante òf bishitante nan
di sierto instansia ku hopi bes ta wòrdu lubidá, ta hasi hopi kurason
kontentu. Tambe empleadonan di UTS a demostrá ku no ta semper mester
haña algu material bèk ora ku hasi un bon obra a base boluntario.
Pues no ta e rekompensa ta importante, sino ta e atenshon i kariño
ta konta, huntu ku e satisfakshon di a hasi algu bon pa bo próhimo. Finalmente UTS ta bolbe gradesí tur
su klientenan pa e sosten risibí atraves di añanan i pa UTS ta un
plaser sirbi su klientenan.
| Comments () >> |
 |
 |
