| TDS ta sigui ku lucha kontra pirateria |
|
|
|
| Monday, 30 March 2009 - 22:18 | |||||
|
E boxnan nobo, introdusí
pa TDS, resientemente ta pone e kompania den un posibilidat úniko pa
bringa pirateria di señal di transmishon. E posibilidatnan teknológiko
ta hasié posibel pa TDS aktua rápidamente den kaso di un posibel intento
di ladronisia di señal. Click read more pa mas informashon...
No opstante esaki TDS ta sigui ku e lucha
pa protehá derecho di su klientenan, paso ta danki na konfiansa di
su klientenan e por haña provedor di kanalnan di kalidat disponibel
pa permití transmití esakinan pa TDS su abonadonan. TDS ta bai mas lew
i ke deskurashá fuertemente ladronisia di boxnan. E kliente,
dor di notifiká TDS un bes ku e nota robo di su box, por kontribuí
engrande pa TDS limitá uso di box hòrta. Ta huntu, TDS i su
klientenan por garantisá ku pirateria i ladronisia ta keda limitá. Rònt mundu pirateria
di señal di transmishon ta keda konsiderá komo ladronisia. Ta
ladronisia di derecho di abonado debí ku ta e abonado ta paga pa risibí
e señal den un merkado. Ta ladronisia tambe paso esun ku hòrta
no ta paga derecho intelektual di esnan ku ta produsí e programanan.
TDS a bin ta kue e ladronisia aki ku man duru. For di aña pasa
a kuminsá ku un kampaña dirigí riba tantu esnan ku tabata fasilitá
robo di su señalnan i esnan ku tabata kumpra, e tempu ei, karchi hòrta.
Banda di esaki TDS a introdusí su boxnan nobo, kua e.o. ta redusí
práktikamente kompletu e posibilidat pa piratiá e señalnan di TDS.
Ta bon suprayá ku TDS ta hasi tur esaki pa protehá derecho di su klientenan
ku si ta paga sagradamente pa risibí e bon programashon di TDS. Ladronisia di e boxnan
for di kas di klientenan ta otro forma ku hendenan, sin eskrupolo, ta
purba pa yega na forma pa gosa ilegalmente di e programashon di TDS.
TDS ta determiná pa kòrtá esaki tambe den tòm. E kliente por
yuda engrande den esaki dor di notifiká TDS mes ora e ripara ku nan
a hòrtá su box. TDS na e momentu ei mes ora ta sera akseso di e box
spesífiko na su transmishon. Pues ku koperashon di klientenan
e por bira práktikamente no interesante pa ladronnan mishi ku boxnan
di TDS ora nan drenta kas di hende paso nan sa ku e uso di e box ta
nulo. TDS aparte di esaki ku enkurashá un i tur ku sa di hendenan
ku a hòrtá box, pa notifiká TDS. TDS lo rekompensá e tep aki. TDS lo sigui hasi
su máksimo esfuerso pa aparte di ofresé un eskala amplio di kanalnan
interesante atrabes di un transmishon di kalidat, tambe kontinuamente
traha riba protekshon di e derecho di su klientenan. Un biaha
mas TDS ta gradisí su klientenan pa e konfiansa demonstrá den e kompania.
Riginel
said:
|
|||||
 |
Mundo riba kabes, ta pa kens TDS ke tuma nos kumunidad? E kos aki ta un sla fuerte den nos kara. Pa prome, lokual mi ta splika aki no tin nada di haber ku ladronisia! Esei ta inakseptabel anto laga nos yuda di tur forma ku por pa evita esaki. Pero ban serio, TDS! bin bij anto sali for di e sono agrado ku aktualmente bo ta aden. Di NINGUN manera boso no por of tin mag di papia over di "Ta bon suprayá ku TDS ta hasi tur esaki pa protehá derecho di su klientenan ku si ta paga sagradamente pa risibí e bon programashon di TDS". Mi ta referi na e derecho di servicio y kalidad di e producto. TDS, step up anto drecha bo act! |
