|
Gobičrnu di Boneiru kontentu ku notisia di e vuelonan čkstra di DELTA |
|
|
|
|
Friday, 27 March 2009 - 12:20 |
 Manera ta konosí
DELTA-airlines a añadí un buelo èkstra for di Atlanta pa Boneiru.
E buelo aki lo trese un kantidat di mas ku 120 stul èkstra pa siman
pa Boneiru. Ku e buelo èkstra aki lo remplasá práktikamente henter
e pèrdida di stulnan ku lo tuma lugá na momentu ku American Eagle
stòp di bula for di Puerto Rico. Click read more pa mas info...
Gobièrnu di Boneiru den koperashon
ku Ofisina di Turismo di Boneiru esta TCB a traha rápido riba e situashon
di ménos stul pa Boneiru. Entre otro a aserka DELTA pa mira ki posibilidat
e kompania aki tin bou di e demanda aktual pa Boneiru pa asina pone
mas buelo. Pues Gobièrnu ta kontentu di risibí e bon notisia aki i
sigur bou di sirkunstansianan ku ekonomia di Merka ta pasando aden. Gobièrnu di Boneiru ya pa
basta tempu ta informando komunidat ariba situashon ekonómiko mundial
i tambe ta informando posishon di Boneiru su ekonomia denter di e totalidat
aki di mundu. Manera hopi biaha Gobièrnu a trese dilanti t’asina
ku Boneiru lo sinti efekto di e krísis ekonómiko mundial pero Boneiru
tin hopi chèns di sali hopi bon for di e tempu ekonómiko difísil
aki di mundu. Pa loke ta trata turismo naturalmente ku Boneiru su kantidat
di turistanan lo baha pero te ku ainda Boneiru ta un di e destinashonnan
ku a risibí ménos gòlpi di e krísis mundial pa loke ta trata yegada
di turistanan. Tambe t’asina ku pa motibu ku turismo lo baha ku algun
porsentahe tambe e kantidat di pasaheronan ku lo hasi uso di airopuerto
di Boneiru lo baha. Pero un biaha aki nan mester remarka ku e situashon
di Boneiru kompará ku otro islanan ta bastante bon ainda. Pues no tin
nesesidat di drenta pániko pero mester sigui insentivá aktividatnan
ekonómiko i promové Boneiru manera debe ser pa sobrebibí e situashon
di krísis ekonómiko mundial. Ta importante pa menshoná
tambe ku Gobièrnu di Boneiru pa medio di Diputado di Asuntunan Ekonómiko,
señor Jeffrey Levenstone, lo organisá denter di poko un foro ekonómiko.
Posiblemente e foro aki lo tuma lugá dia 21 di aprel próksimo i lo
ta un oportunidat pa evaluá situashon i futuro ekonómiko di e isla.
Konkluyendo mester menshoná ku Gobièrnu di Boneiru lo sigui ku su
akshonnan pa sigurá ku Boneiru lo por sobrebibí e krísis ekonómiko
mundial. Pues por lo pronto Boneiru por ta sigur ku su ekonomia ta soportando
e krísis ekonómiko bastante bon.
| Comments () >> |
 |
 |
