| REMETIDO: Kiko "Fundashon Pro Korsou" a para pe? |
|
|
|
| Friday, 27 March 2009 - 12:16 | |
|
E dianan ku a pasa
nos por a mira imágennan for di un produkshon di video di e konferensha
di prensa kaminda “Fundashon Pro Kòrsou” a wòrdu presentá na
1993. E imágennan ku a wòrdu pasá a wòrdu selektá na un manera
masha sugestivo i ta parse masha personal en bes di temátiko. Click read more pa mas info...
Tambe
nan ta wòrdu mesklá ku materialnan ku tin ku inspirá e pueblo pa
vota “Nò” den e próksimo referèndem. Turesten ku e frente
di “Nò” ta atvertí e pueblo dia aden i dia afó kontra manipulashon
di informashon, nan mes ta hasi nan mes esun di mas kulpabel kontra
di e prinsipio di duna informashon korekto i sinsero. E imágennan menshoná
aki riba, ku a wòrdu skohé deliberadamente, ta forma e mihó ehèmpel
di esaki. Suskritonan ta haña e kaso aki inaseptabel i p’esei ta
sinti e nesesidat di publiká nan informashon den e perspektiva korekto. Fundashon Pro Kòrsou
a wòrdu fundá na 1993, ku defuntu Ornelio (Cees) Martina komo presidente,
i e miembronan Cerilio (Nick) Nicasia i Wilfred (Freddy) Curiel. E motibu
pa kual e fundashon a wòrdu lantá tabata pa sostené e opshon pa un
status aparte pa Kòrsou komo pais outónomo den Reino den e referèndem
di e tempu ei. Aruba a bini bek riba
su aspirashon pa bira independiente, i ta p’esei a bira relevante
pa e otro islanan tambe bai posishoná nan mes pa un futuro estatal
nobo. E dos opshonnan mas
importante tabata pa mantené un Antia uní di 5 isla òf pa Kòrsou
un status outónomo den Reino. Fundashon Pro Kòrsou
a skohe pa e último opshon aki, no na último lugá pa e eliminashon
di dos nivel di gobernashon. Aunke ku hopi mas promé ku e fayesimentu
di e presidente Cees Martina e fundashon ya no tabata aktivo mas, su
spiritu ta keda bai bibu, pero no ku e sentido ku e trèkdonan di “Nò”
ke laga parse. Nick Nicasia i Freddy
Curiel ta sostené “Sí” pa e referèndem benidero, i ta sigur di
no a bandoná nan vishon i prinsipionan, sino al kontrario a konsolidá
esakinan. Nick i Freddy ta mantené e rumbo ku nan a tuma na 1993. Masha tempu Kòrsou
tabata kier su status outónomo den Reino i porfin awor ta bai logr’é.
Dor di skohe pa e status tin ku yega na sierto akuerdonan den Reino
ku no ta stroba e outonomia, manera ta wòrdu bisá dor di “Nò”
i hopi biaha sabiendo ku no ta asina. Vota “Nò”, no ta hiba nos
mas serka di nos meta deseá pa un Kòrsou ku un status komo pais outónomo
den Reino. Nos ta skohe pa “Sí”
pasobra:
Nunka nos lo aseptá
ku e intenshonnan berdadero di “Fundashon Pro Kòrsou” lo wòrdu
saká for di nan konteksto òf su dokumentashon manipulá. Nos no ta
tolerá ningun mal uzo di nos puntonan di bista den e proseso di struktura
estatal dor di e “trèkdonan” di “Nò”. Nos ta respetá otro,
pero tambe ta eksihí rèspèt for di otro. Nick Nicasia y Freddy Curiel |
