| Sentro di kliente di UTS na Gosieweg a habri su portanan |
|
|
|
| Friday, 27 March 2009 - 12:08 | |
|
E kolónan i e interior ta kompletamente
otro. E meta ta pa mehorá aserkamentu na kliente, duna mió servisio
i ta mas ‘sales oriented’ p’asina krea un ambiente di kompra mas
dirigí i agradabel. E kambio aki lo ta un eksperensia nobo i hopi agradabel
pa tur nos klientenan. Tur esaki enfokando riba e tema ‘Customer
First’ i e rumbo nobo ku UTS ta bai den 2009, esta Ekselensha
den servisio na su klientenan. E Sentro aki por ehèmpel no tin e glas
manera kustumbrá na e balinan. Asin’aki nos klientenan tin un kontakto
mas personal i mas di aserka ku nos Sales Representatives nan. E kontakto
a bira hopi mas personal i ta mas fásil pa komuniká ku otro. Aparte
di esaki, tur telefon ku UTS tin pa ofresé ta eksponé na muraya huntu
ku e spesifikashon, pakete i preisnan di e telefonnan. Den e Sentro aki UTS a pone diferente
kòmpiuter disponibel kaminda kliente por sinta trankil i subi internèt
p’asina eksperensiá e konekshon di internèt di UTS OneNet ku spit
sumamente haltu. Tambe tin diferente mesa ku foyetonan
di tur produkto i servisio di UTS pa klientenan por informá nan mes
di tur lokual UTS tin pa brinda nan miéntras ku nan ta warda nan turno.
I asina tin hopi kambio agradabel mas pa duna un mió servisio i alabes
hasi e kliente su bida aun mas fásil. E mudansa di e Sentro di Kliente na Brievengat
pa Gosieweg ta nifiká ku e edifisio di UTS na Brievengat lo ta aksesibel
solamente pa hasi pago di resibu di UTS i TDS. Pa tur otro servisio,
por ehèmpel, kompra di telefon Chippie, registrashon pa UTS OneNet
i 3G, kompra di krédito di Chippie etc, por akudí na Sentronan di
Kliente na Gosieweg, Sta. Rosa, Punda òf Sta. Maria.Ta bon pa tuma nota ku e Sentro nobo
na Gosieweg lo no ta aksesibel pa pago di resibunan, sino pa tur otro
servisio di UTS. UTS
su Sentro nobo na Gosieweg ta habrí di djaluna pa djabièrnè 9.00
a.m. pa 5.30 p.m. nònstòp i djasabra di 9.00 a.m. pa 12.30 p.m.
|
