| Trahadónan di Kadaster ta ninga redondamente, ku lo a intimidá nan pa tuma informashon |
|
|
|
| Thursday, 26 March 2009 - 14:56 | |
|
Servisio pa Komunikashon i Informashon di Gobièrnu di Kòrsou ta informá
ku resientemente durante un konferensha di prensa, partidonan polítiko ku ta
propagá pa vota no den e referèndem benidero, a deklará ku gerensia di Kadaster
lo a intimidá su trahadónan pa asistí na un enkuentro informativo tokante
struktura estatal. Durante e enkuentro aki, Gobièrnu di Kòrsou a duna un
splikashon amplio i ophetivo di e pakete di palabrashon ku Gobièrnu a logra pa
duna kontenido na realisashon di Pais Kòrsou. Click read more pa mas informashon
Trahadónan di Kadaster ta ninga
redondamente ku nan a sinti nan mes intimidá pa partisipá na e enkuentro akí i
konhuntamente a firma un deklarashon pa supstansia esaki. E gran mayoria, esta
38 trahadó di Kadaster, a firma e deklarashon akí, ku eksepshon di dos hende ku
no tabata di akuerdo i 4 hende ku tabata ousente. Nan ta spera ku di e forma
aki lo yega un fin na atakenan inhustu kontra nan organisashon. Riba nan
petishon, Servisio di Informashon i Komunikashon di Gobièrnu di Kòrsou ta
suministrá medionan di komunikashon e deklarashon akí.
|
