| Korsou a hasi un paso importante riba e kaminda di komunikashon efektivo durante di un emergensia |
|
|
|
| Tuesday, 24 March 2009 - 16:06 | |
|
Meta tabata pa fiha un komishon pa forma un ret di
kolaborashon entre e medionan di komunikashon i e Emisora di Emergensia (97.9) pa
traha riba un protokòl di kolaborashon mutuo. Formashon di e Ret di Emergensia
ta nifiká ku diferente emisora na Kòrsou lo traha den kadena ku Emisora di
Emergensia durante sierto momentu di un ora di transmishon, durante di kualke
emergensia ku por surgi na Kòrsou. Kon esaki lo sosodé lo keda stipulá dor di e
komishon. Importansha di un ret di emergensia ta e hecho ku durante i despues
di un emergensia, Gobièrnu tin e obligashon di informá pueblo tokante
desaroyonan importante. Emisoranan komersial naturalmente no tin obligashon pa
transmití e informashon di Gobièrnu, pero si por yuda duna informashon komo un
servisio na e pueblo ku ta skucha nan tur dia. I esaki lo kumbiní henter
komunidat di Kòrsou. Ku formashon di e komishon Ret di Emergensia, e emisoranan
ta mustra nan komprenshon di e seriedat pa ku e trabou di Ofisina di Desaster. Emisoranan
ku ta forma parti di e komishon Ret di Emergensia ta Radio Hoyer (sra. Helen
Hoyer), Radio Krioyo (sr. Darwin Gregg), Radio Semiya (sr. Remsy Jones), Radio
Direct (sr.Cali Manuel), Tele Curacao (sr. Franklin Haseth jr,) i TDS (sr. Roderich
Pietersz). Huntu ku representantenan di diferente unidat di Ofisina di Desaster
i Emisora di Emergensia nan lo reuní dentro di dos siman pa yega na un protokòl
pa e Ret di Emergensia. Riba e pòrtrètnan por mira e partisipantenan na e
tayer, huntu ku Gezaghèber Lizanne Dindial ku, komo hefe supremo di Tim di
kalamidat di Kòrsou, tabata masha
kontentu ku e logro di e tayer.
|
