| Tur bendedó a haña informashon adelantá |
|
|
|
| Thursday, 19 March 2009 - 19:14 | |
|
Servisio pa Komunikashon i Informashon ta informá
lo siguiente. Na aña 2005/2006 Gobièrnu a kuminsá intensivamente ku un plan
integral pa wak tur aspekto di e asuntu di bendementu di kos na stèntnan den
Otrobanda, Fuik i Punda. Un plataforma guiá pa DEZ ta esun ku ta enkargá ku e
trabounan di esaki i ku ta kai bou di e standplaatsenbeleid di DROV den sentro
di siudat. E maneho ta stipulá konkretamente ken ta bini na remarke pa haña
pèrmit pa bende kos na un di e lugánan ariba menshoná. Click read more pa mas info...
Algun kriterio pa e
personanan ku ta bini na remarke pa haña un pèrmit ta personanan di ménos
rekurso, ku no tin entrada fiho i personanan ku tin tiki entrada esta un sueldo
mínimo. Tambe ku nan komportashon ta korekto mirando e importansia di nan
trabou pa ku turismo. Na momentu ku nan ta bon pará ta guia e personanan pa nan
habri nan propio negoshi i asina duna oportunidat pa otro hende haña pèrmit pa
bende kos na un di e lugánan menshoná. Bendedónan di tantu e área di Fuik komo
e área di Breedestraat Otrobanda a risibí diferente informashon for di aña 2007/2008
den kual a splika tur e bendedónan tur e rekisitonan ku tin mester, kiko ta e
intenshon i na ki momentu esaki ta bai sosodé. No opstante esaki tin tardansa
enkuanto e mudansa ofisial, pero tur bendedó a haña informashon adelantá ku
entrante 1 di febrüari lo a muda esnan ku mester muda. Esaki a drenta na vigor
entrante 1 di mart último. Henter e trayekto aki ta kai bou di supervishon di
Servisio pa Asuntunan Ekonómiko (DEZ). Pa bende kos na un di sitionan menshoná
tin mester di un pèrmit. Otorgamentu di pèrmit ta mandatá na hefe di kuerpo di
polis Kòrsou. E pèrmit ta indiká e sitio ku ta para bende, i e sitio ta stipulá
den e maneho (standplaatsenbeleid). Hendenan di Fuik ku ta bini na remarke pa
un pèrmit ta keda na Fuik. Hendenan di Breedestraat Otrobanda, ku ta bini na
remarke pa un pèrmit ta bai bou di viadukto. Hendenan di Fuik ku a kai afó pa
para na Fuik, lo haña un otro lugá, di kual esaki no ta ofisialmente determiná
ainda. Ku otro palabra Museo di Kòrsou ta un alternativa ku ainda mester haña
kontenido.
|
