| CAS Desishon Medaya Olímpiko |
|
|
|
| Friday, 06 March 2009 - 00:00 | |
|
Pa medio di esaki, na nòmber di Komité Olímpiko di Antiyas Hulandes (NAOC) mi ta informá ku e Tribunal Internashonal di Deporte (CAS) a duna su veredikto relashoná ku e kaso di Churandy Martina: NAOC a apelá e desishon tuma dor di e “Jury of Appeal” di e Federashon Internashonal di Atletismo (IAAF) riba 23 di ougùstùs 2008, na fin di e Weganan Olímpiko na Beijing. Riba 22 di sèptèmber e Komité Olímpiko di Merka (USOC) a pidi pa partisipá den e arbitrahe.
Argumentunan di NAOC den e
kaso tabata entre otro lo siguiente: 1. e protesta di USOC kontra Churandy tabata entrega despues di e tempu ofisial. E formulario ofisial ta indiká ku e tempu di e protesta tabata 23:08 or. 2. E protesta/ apelashon tabata na nòmber di e atleta Shawn Crawford, kaminda Crawford no a outorisá USOC pa hasi esaki. Ta pa e motibu ey Crawford a duna Churandy su medaya bek
3. E Jury of Appeal di IAAF
a tuma nan desishon sin tende NAOC, ku ta algu esensial den kalke prosedura.
Prof. Luigi Fumagalli kende
a aktua komo Árbitro a konsiderá lo siguiente: - E Olympic Charter, hurisprudensia i e reglanan na Beijing ta duna CAS e hurisdikshon pa atendé e disputa - CAS sinembargo, no por trata desishonnan ku ta wòrdu konsiderá “Field of play”, ku eksepshon di kasonan kaminda ta wòrdu prueba ku tabata tin un “mal intenshon” di parti di esnan ku a tuma e desishon. - E prosedura i e desishon, manera tuma dor di e jury di IAAF, huntu ta kai bou di e definishon di “Field of play”. Basa riba esaki e árbitro no ta haña ku e por eksaminá e desishon di IAAF.
- E regla di eksepshon no por
wòrdu apliká, ya komo ku no ta trata un kaso den kual tabata
tin mal intenshon di parti di e Jury of Appeal. |
