| 747 florin pa biaha retour Korsou-Amsterdam |
|
|
|
| Wednesday, 11 March 2009 - 08:35 | |
 Pa duna mas realse na e echo ku e Boeing 747 ta bini bèk riba e
ruta pa Kòrsou, djarason di 11 di mart
e establesimentu lokal di KLM ta organisá
un akshon di un biaha so ku ta dura 24 ora largu. Pa esaki henter personal
di KLM, di ariba te abou, lo ta trahando.Djarason KLM su ofisina di
pasashi na sentro komersial Promenade lo ta habrí di 12 or di mèrdia
te su siguiente dia mèrdia – ke men inkluso djarason anochi i mardugá
– sin interupshon. Durante e akshon di 24 ora lo tin kontinuamente
personal di KLM presente pa ta na sirbishi di klientenan ku ke hasi
uso di e oferta super bentahoso ku nan tin den tapara. Pa sobrá servisionan
lo referí tur hende e dia ei pa e ofisina di KLM na aeropuerto Hato
kaminda si e orario normal ta konta. Klik read more pa mas detaye.
E oferta di un biaha so aki pa introdusí regreso di e Boeing 747 riba e ruta aki ta nifiká ku KLM ta ofresé e opshon pa kumpra un biahe ida i buèlta Kòrsou-Amsterdam (den Economy Class) pa biaha realmente den e periodo entre dia 1 di aprel i 30 di yüni e aña aki pa e preis inkreibel di 747 florin (ku tur gastu adishonal inkluí, ku eksepshon di 45 florin máksimo pa gastu di reservashon).
Klientenan no tin nodi ni di
bini te na e ofisina di KLM di Promenade pa probechá di e oferta aki.
Biaheronan na Kòrsou por subi KLM su website (www.klm.com) durante e mesun oranan di e akshon
relámpago aki pa apliká pa e oportunidat bentahoso aki. E entusiasmo bou di e propio personal a kontribuí en grandi ku nan por ehekutá e akshon spektakular di un dia kompleto. Personal di tur departamentu, tambe esnan ku normalmente no ta traha na bali, a ofresé boluntariamente pa nan traha den sheft durante dia i anochi pa nan kontribuí na e forma úniko aki pa yama un bon biní kaluroso bèk na e Boeing 747 i pa e klientenan por gosa di dje. |
