| KLM ta uza Boeing 747 atrobe pa Kňrsou |
|
|
|
| Wednesday, 04 March 2009 - 00:00 | |
 Entrante e skema nobo di verano di KLM, ku ta kuminsá
dia 29 di mart awor, e avion mas grandi Boeing 747 ta tuma e posishon
fiho atrobe di e tipo MD-11 ku último dos aña a uza riba tur buelo
pa Antia i Aruba. E adaptashon aki ta nifiká
pa Kòrsou i Sint Maarten un tremendo ekspanshon di kapasidat. E avion
MD-11 ta keda bula sinku dia di siman na Boneiru, tantu
pa e sigui bai Quito i Guayaquill na Ecuador komo ora e bini bèk pa
sigui su rumbo pa Amsterdam. Klik read more pa mas informashon.
Den e skema nobo ku ta sigui
kore te fin di òktober e aña aki, KLM ta bula atrobe diariamente ku
un Boeing 747 ku tin un kapasidat di 428 stul (386 den Economy Class
i 42 den Business Class) entre Amsterdam i Kòrsou. Dos di e buelonan
aki, esta riba djamars i djaweps, ta baha na Princess Juliana Airport
promé ku e yega Kòrsou. Tur e shete buelonan for di Kòrsou pa Amsterdam
ta nònstòp.
Den kuadro di rashonalisashon
di e flete di Air France KLM a konsekuensia di e krísis mundial ku
ta afektá e sektor di aviashon seriamente, KLM a nota ku Kòrsou su
posishon den merkado a keda fuerte. “Hustamente a base di e konfiansa
den e produkto ‘Kòrsou’ a disidí pa oumentá e kapasidat riba
e ruta aki, miéntras ku riba diferente otro ruta den e ret mundial
a redusí e kapasidat”, segun Gerente General Wim Iserief di KLM ku
sede na Kòrsou. Remplasando e MD-11 renobá pa e Boeing 747 mas grandi
por papia di un ekspanshon di kapasidat ku kasi 30%. Den e skema nobo, durante sinku di dia di siman e buelo di KLM ku Boeing 747 for di Amsterdam ta yega aeropuerto Hato 15:15 or komo KL 735 pa despues e sigui komo KL 736 alrededor di 17:30 or pa e buelo di regreso pa Amsterdam. Tin un eksepshon pa djamars i djaweps ora e Boeing 747 ta yega Kòrsou komo KL 785 alrededor di 16:55 or pa motibu ku e ta aterisá na Sint Maarten promé. For di aki e ta subi bèk 18:45 or pa Amsterdam.
Riba e dos dianan en kestion
e buelo aki ta baha na Sint Maarten 14:15 or pa 15:25 or e subi bèk
pa sigui bai Kòrsou. Komo ku e interes pa e buelonan pa Ecuador (Quito i Guayaquill) a baha, próksimamente den e skema nobo Boneiru lo keda ku 10 moveshon di KLM pa siman. Esei ta en konekshon ku e sinku buelonan pa siman (saltando djamars i djaweps) na momento ku e MD-11 di KLM ta hasi un aterisahe intermedio na Boneiru ora e bini for di Amsterdam pa e bai e destinashon Latino Merikano i despues atrobe riba su biahe di regreso pa Amsterdam. Den tur esaki a perkurá pa sufisiente asiento pa biaheronan pa i for di Boneiru. |
