| Sr Roborgh i delegashon di bishita na Boneiru |
|
|
|
| Saturday, 28 February 2009 - 00:00 | |
 Sr. Roborgh,
ku ta direktor di ministerio di OCW (Ministerie van Onderwijs, Cultuur
en Wetenschappen) na Hulanda, a bishitá diputado Silberie pa informá
i tuma informashon riba progreso di diferente aktividat ku ta tuma lugá
riba tereno di enseñansa. Sr. Roborgh tin e kartera di Antia i e ta
na kabes di e proseso di transishon pa enseñansa. Na e reunion aki
tambe tabata presente Sr. A. in ‘t Hout ku ta ‘dossierhouder’
i sra. Fillipo. Klik read more pa mas informashon.
A papia riba diferente tópiko di enseñansa i kon pa atendé ku esakinan na un manera apropiá. Den e enkuentro señor Roborgh a duna un bista kon e struktura di komunikashon ta kana fo’i OCW pa isla di Boneiru i ku dentro di poko lo bini ámtenarnan di OCW na e ‘Regional Service Center’ ku ta duna sosten na e prosesonan ku ta bai kuminsá dentro di poko. Sr. Roborgh a papia tokante e plan di mehorashon ku mester bin kuné kaminda ku lo ta bon pa tur esnan ku tin relashon ku enseñansa por mira resultado den forma di ‘quick wins’. A kumbiní ku otro ku Boneiru ta bai identifiká su ‘quick wins’ pa enseñansa pa asina por komuniká esaki ku pueblo.Na tur tin 12 mion florin pa islanan BES pa usa pa e plan di mehorashon. Den esaki ta inkluí tambe un montante pa ehekutá e rapòrt ku VROM a traha tokante di estado di skolnan na Boneiru. Na e reunion aki e mènedjernan di transishon di teritorio insular ku ta sr. M. Martis i sr. B. Kooyman, ku tin enseñansa i asuntunan di personal den nan kartera, tambe tabata presente. |
