Wendell Robert Gregorio Statie a selebrá 30 aña di hubileo den servisio di gobièrnu di Boneiru. E selebrashon a tuma lugá na ofisina di haf, na unda Wendell Statie, mihó konosí komo Winny, ta ehersiendo su labor durante e último 5 aña aki.

Klik Riba: Read More

Diputado Anthony Nicolaas, remplasando diputado el Hage kende ta enkargá ku Tráfiko i Komunikashon, a duna un relato di e trayektoria di trabou di Winny Statie. Na 7 di febrüari 1979 Winny a drenta den servisio di gobièrnu trahando na garashi Lima komo laser, sakadó di sla, spùitdó i ‘hulpmonteur’. Sinku aña despues (1984) el a haña traslado i a bai traha komo shofùr di bùs bou di supervishon di ‘Interne Dienst’. Su tarea tabata pa transportá trahadónan di gobièrnu ku tabata bin for di tur bario di Boneiru. Na 1991 Winny a haña yamada di Indebon pa hasi trabou di shofùr pa nan. A regla su traslado i el a traha 13 aña hibando muchanan di skol pa hasi deporte i tuma lès di landamentu.

Por último Winny a pidi traslado na 2004 i a bai traha na ‘havenkantoor’ komo ‘walbootsman’ loke e ta ehersé te ku awor.

Diputado Nicolaas a terminá bisando ku e trayektoria aki ta un indikashon ku sr. Statie tabata traha ku dedikashon, i por bisa ku ta un trahadó ehemplar pa Teritorio Insular di Boneiru. A pasa despues pa duna e kustumbrá orkonde i ènvelòp ku kontenido. Winny Statie na su turno tambe a gradisí pa e sosten i koperashon ku e por a haña di tur su koleganan den su karera komo ámtenar di Boneiru.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment