E pintor Ronald Verhoeven lo eksponé su obranan na Kas di Arte for di 1 di mart te ku 3 di aprel 2009. Den tur su kuadronan Boneiru ta presente prominentemente. E temanan di su kuadronan kolorido ta testiguá di su amor pa e isla akí. Leu di e kosta turístiko Boneiru ta úniko. E ta respirá un forsa ku na tantísimo sitio trankil ta apoderá di bo. Ta esaki Verhoeven ke ekspresá, e piedranan den tur sorto di koló, e karakterístika straño di kadushi ku yatu, e bokanan turbulento anto prinsipalmente e hendenan ku ta biba aki.

Pronto despues di su yegada na Boneiru, awor 10 aña pasá, el a tuma huntu ku un grupo di amante di arte e inisiativa pa lanta un sentro artístiko komo sosten na artistanan lokal. Esaki a bira e fundashon Kas di Arte (ántes Artebon). E fundadornan di promé ora tabata Henny i Ronald Verhoeven, Jackie Bernabela, Hubert Vis (SKAL) i Alfred Ronde. Dor di esaki a bira posibel pa organisá eksposishon i otro evento kultural na Boneiru riba eskala chikitu.

Tokante Kas di Arte Verhoeven ta pensa manera ta sigui: “E fundashon a sòru pa a krea un espasio magnífiko den e hòspital anterior i mas bieu di Boneiru na Kaya J.N.E. Craane 34, un monumento na e malekon di Playa. E edifisio tin un radiashon hopi positivo. Artistanan di otro isla ta atmirá e sitio ku envidia. Ta un proyekto no-gubernamental pa kua Gobièrnu a pone e edifisio disponibel, organisashon di aktividat i mantenshon di e edifisio ta pa kuenta di e fundashon. Gobièrnu di Boneiru ta ofresé oportunidat limitá pa supsidio. Ta difísil pa mantené e edifisio den bon kondishon sin donashon i tambe persona ku ta duna un man boluntario pa hasi algu (p.e. di e artistanan ku ta hasi uso di e edifisio). Pa e motibu akí ta hasi un yamada akinan pa sostené Kas di Arte.”

E eksposishon akí ta e di kuater eksposishon di Ronald Verhoeven na Boneiru i ta demostrá ku su kuadronan den kurso di aña ta birando mas intenso i kolorido. Riba djadumingu 1 di mart Gezaghèber Thode lo hasi akto di apertura di e eksposishon ku lo ofresé tambe un bríndis ku pasaboka i músika. E eksposishon lo habrí di 1 di mart te ku 3 di aprel 2009, riba djaluna te ku djabièrnè, di 10-12 mainta i di 2-7 atardi.

Nota pa redakshon: pa mas informashon por tuma kontakto ku sr. Verhoeven na This e-mail address is being protected from spam bots, you need JavaScript enabled to view it

Comments (0) >>

Show/Hide comments

Write comment

Show/Hide comment form

Name

Email

Comment

Add Comment