E kampaña di bandana “Hala Pega” di Fundashon Kòrsou Limpi Bunita (FKLB) a ranka sali.  A repartí siman pasá un kantidat di 2.500 bandana na Festival di Tumba i otro aktividatnan karnavalesko. E intenshon ta pa repartí un total di 10.000 bandana durante tur aktividatnan di Karnaval. Riba e bandana, ku ta konsistí di diferente kolo, tin un di e 3 tekstonan: “Karnaval” òf “Limpi” òf “Bunita”.  Meta di e kampaña úniko aki ta pa ilustrá ku si nos ke logra un isla limpi i bunita nos mester uni ya ku union ta hasi forsa. E kampaña mester sirbi pa konsientisá i motivá komunidat pa huntu nos tene nos isla limpi. Kada un di nos mester karga nos responsabilidat sosial pa hasi esaki. Tambe durante di goso i alegria limpiesa por trese nos mas serka di otro i asina aki nos por forma e union sosial.

Durante di aktividatnan di Karnaval i riba ruta públiko mester bisti su bandana i huntu forma e frase “Karnaval Limpi Bunita”. Pues tres persona mester “Hala Pega” na otro pa forma e frase i fotografnan ta saka pòtrèt di esnan ku “ Hala Pega” na otro mas kreativimente posibel usando e tres palabranan. Kompañá ku e kampaña aki tin diferente premio pa esnan ku forma e frase di un forma mas kreativo. 

E premionan ku lo wòrdu repartí ta di nos patrosinadònan. Hotel Breezes, ku day-pass pa tres persona, Insel Air ku tres ticket pa St. Maarten, Chippie ku artíkulonan pa hasi uso di dje i telefon, Amstel ku six pack di serbes, malta Amstel i Climax, Coca Cola ku artíkulonan pa hasi uso di dje i six pack di popito, Toni Romas ku un lùnch pa tres persona, Mc. Donalds ku value meal na eskoho pa tres persona i Building Depot ku artíkulonan pa karnaval i BBQ. 

Un apelashon ta bai na komunidat kompletu pa ban “Hala Pega” i tene nos isla limpi durante di Karnaval.  Riba e potrèt e ganadornan di e siman aki. Por fabor tuma kontakto ku Cesar Rodriguez na 434-1307 pa boso pasa reklamá boso premio.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment