| Posibilidad pa aporte den drechamentu di enesnansa |
|
|
|
| Thursday, 12 February 2009 - 00:00 | |
 Den un karta pa fèlt di enseñansa
na Bonaire diputado di enseñansa, Maritsa Silberie ta anunsiá
ku el a habri un adrès di email spesial
pa tur hende por manda idea, sugerensha, remarke òf proposishon
pa drecha kualidat di enseñansa direktamente p’e. E adrès
di email ta:
This e-mail address is being protected from spam bots, you need JavaScript enabled to view it
Manera ta konosí, diputado
Silberie, a anunsiá siman pasá den Konseho Insular ku el
a komprometí su mes pa perkurá ku den aña 2009 mes ta kuminsá ku
un proseso di mehorashon di enseñansa na tur skol di Bonaire i pa start
ku un plan pa e rekobrá e retraso serka nos muchanan manera
a keda konstatá den e rapòrt di inspektornan di Hulanda. Diputado Silberie ta aploudí si ku e konklushon final di e inspektornan ta kuadra ku su punto di bista ku e nivel pedagógiko-didáktiko di maestronan di Bonaire i e envolvimentu di mayornan ta forma un base sólido pa huntu drecha kualidat di enseñansa na skolnan di Bonaire. A base di esaki diputado Silberie kier hasi uso di tur eksperensha i konosementu boneriano, pa bin ku un proseso di mehorashon di nos skolnan, ku ta perkurá ku mas tantu posibel pa e muchanan di Bonaire por rekobrá e retraso ku nan tin aktualmente i sigui drecha nos enseñansa pa hisa su kalidat. Den su karta na fèlt di enseñansa diputado Silberie ta anunsiá ku por manda idea pa mehorashon riba tur aspekto di enseñansa i en partikular riba profeshonalisashon di direktivanan di skol, rekapasitashon di maestronan, fortifikashon di liderato di skol, bukinan i material pa siña, edifisio di skol I yudansa pa e muchanan ku tin mester di dje. Djaweps 5 di febrüari a parti e karta pa fèlt di enseñansa pero si tin persona òf instansha ku no a risibí e karta por pidi pa un kopia na e adrès di mail This e-mail address is being protected from spam bots, you need JavaScript enabled to view it òf na ofisina di SEK. Pa por start mas pronto posibel ku e plan di mehorashon di enseñansa , diputado ta súplika tur mayor, maestro, direktiva di skol , sindikato i instansha di enseñansa ku ta deseá pa duna un aporte, pa nan manda nan idea òf proposishon direktamente serka dje pa mas tardá dia 20 di febrüari 2009 a traves di email This e-mail address is being protected from spam bots, you need JavaScript enabled to view it . Tur esnan ku no ta den situashon pa por manda nan input atraves di e adrès di mail aki , por entregá nan kontribushon den un ènvelòp na resepshon di SEK, Kaya L.D. Gerharts # 6, dilanti Subway. |
