| Entrega di sertifikado pa kurso didaktika |
|
|
|
| Monday, 09 February 2009 - 00:00 | |
 Kralendijk - Resientemente sra M.Snetselaar ku a duna e kurso: “Didáktika di hulandes komo idioma strañero” a hasi entrega di sertifikado na 6 maestro di enseñansa di fundeshi di Kolegio Reina Beatrix . Kolegio Reina Beatrix ta tambe e skol ku riba 31 di òktober, durante di marshe di idioma, su maestronan a bende e produkto ku nan a traha den kuadro di e kurso. Esaki ta nifiká ku e produkto di Kolegio Reina Beatrix a kai na agrado di maestronan di e otro skolnan i ku nan ta mira ku por uza e produkto aki na nan skol/grupo tambe.E kurso “Didáktika di hulandes komo idioma strañero” tabatin un durashon di un aña. Didáktika ta enserá e manera di duna lès na alumnonan. Den e kaso akí lès di hulandes komo idioma strañeru.Click read more pa lesa mas.
Den e kurso a trata, kon un mucha ta siña su idioma materno i kon un di dos idioma i un idioma strañeru i ki konsekuensia e tin pa enseñansa, otro idioma, familiarisashon ku hulandes, manera pa amplia vokabulario di e alumno, desaroyá e abilidat di skucha, lesamentu i papia e idioma. E kurso tabata tuma lugá dos bes pa luna riba djarason pero ku diferente orario na Sentro Deportivo Bonaire. Tin biaha di tres or di atardi pa shet’or di anochi i otro biaha di och’or di mainta pa seis or di atardi. Tabata un kurso hopi pisá pa e maestronan ku despues di orario di skol mester a sigui un tayer di kuater ora. Kaminda nan mester tabata hopi aktivo. Riba potrèt por mira momentu di entrega di sertifikado na un maestra dor di sra. Snetselar, den presensia di hefe di Sek sra. Ally Pourier.
|
