| Team spirit ta karakterisá personal di Avila |
|
|
|
| Wednesday, 04 February 2009 - 02:06 | |||||
|
 dilanti e empleadonan ku 20 aña òf mas di
servisio pa nan risibí e pen di e di-60 aniversario di Avila komo e proménan
for di man di señor Møller. E seis empleadonan aki ta Mildred Granviel (42 aña
di servisio), Noreen Bentura (34), Mimi Wawoe (30), Jean Roosberg (29), Isidra
Cornet i Maritza Gorsira (ámbos 20 aña). Den kurso di añanan nan a hunga un
papel spesial den desaroyo di Hotèl Avila i nan ta e pilánan di e hotèl
moderno. Ademas tin un grupo bastante grandi di empleado ku 10 aña òf mas di
servisio loke ta ilustrá un grado haltu di lealtat entre personal, staf i
gerensia.
Areglo di penshun
Dilanti su mes empleadonan señor Møller no a skonde ku 2008 tabata un bon
aña pa Hotèl Avila. Esei ta danki entre otro na e afan di nan mes personal den
nan kontaktonan diario ku e wéspetnan for di tur skina di mundu. Pa e aña nobo
aki e perspektivanan ta ménos favorabel pa motibu di un redukshon di turismo
mundial entre otro a konsekuensia di e krísis finansiero internashonal. P’esei
mester tene tur gastu pa operashon di e hotèl bon na bista pa por kumpli ku tur
obligashon. Pero e bientunan kontrali aki tambe nos lo superá, asina el a
sigurá su oudiensia.
Un hotèl ta un empresa kaminda e personal mester ta kla pará 24 ora pa dia
shete dia pa siman pa kontentá e wéspetnan i e otro klientenan. Tòg gerensia di
Avila a introdusí algun mehorashon den e skemanan di trabou. Ademas lo
investigá si por konvertí e aktual ‘Voorzieningenfonds’, kaminda
boluntariamente i riba un base regular e empleadonan i e dunadó di trabou ta
hinka un suma di plaka, den un areglo di penshun pa e personal den e sentido ku
nan por bai kuné tambe si nan bai traha na un otro establesimentu di ‘horeca’.
Energia
Na sèptèmber i òktober 2008 un tempestat fuerte ku bientu duru i laman
brutu a suta Hotèl Avila na dos okashon. Ku gran satisfakshon señor Møller a
splika ku hopi di e empleadonan a yuda pa limitá e konsekuensianan pa e
wéspetnan di hotèl te na un mínimo. Komosifuera nada no a pasa, su mainta e
wéspetnan por a bai desayuná sin sa kon otronan a mula nan kurpa pa pone tur
kos bèk na òrdu i na tempu.“Esei ta e momentonan ku nos personal un biaha mas a
mustra su energia i p’esei tambe nos ta forma e famia será di Avila”, asina
señor Møller a bisa ku tantu orguyo den su bos.
Djaluna último e empleadonan a hunga un papel aktivo tambe den e
transmishon parsialmente direkto di e programa di mainta ‘Mòru Bon Dia’ di
TeleCuraçao for di La Belle Terrace, di moda ku nan tambe a kontribuí ku Avila awendia
ta un konsepto, no solamente den komunidat di Kòrsou, pero tambe den hopi otro
pais rònt mundu. Na final di e enkuentro i tambe den kuadro di selebrashon di e di-60 aniversario di Hotèl Avila, tur e 150 empleadonan a haña a haña un ènvelòp ku kontenido komo muestra di apresio pa nan afan i nan dedikashon. Despues si tur hende ku tabata di warda, mester a pura bai nan trabou bèk.
Contentu
said:
|
|||||
 |
Sjon Nic y su famia di Avila, Masha Pabien y sigi cu e bon trabow bosonan a yuda grandemente pa hiba Corsow caminda e ta awe den turismo. ! Sjon Nic tawata mi hefe antes y mi ta jaloers riba bosonan. Esta un dushi hefe,tata,ruman boso tin!Semper e lo corda su empleadonan promer cu su mes. Boso mester ta orgulosso pa tin un donjo di trabow manera Sjon Nic. Pabien y hooopi Pabien, |
