 Komité Olímpiko
di Antia (NAOC) a organisá su Asamblea General, den Penthouse di Plaza
Hotèl. Di e total di 30 miembro federashon, tabata tin 18 federashon
presente, kaminda tur miembronan di direktiva di NAOC, enkabesá
pa ku sr. William jr Millerson, tabata presente.Riba agènda tabata tin e presupuesto
di e aña aki i tambe algun punto di enfoke, pa loke ta trata e maneho
deportivo pa e aña aki.Pa loke ta trata e punto di
agènda ‘finansas’ e federashonnan a hasi diferente pregunta. E
14 federashonnan ku a hasi un petishon di supsidio pa un total di 3
mion florin, a haña di konosé ku básikamente lo tin solamente Naf
500.000,00 pa repartí.
Mirando e hecho aki federashonnan
ta puntra nan mes ta kon ta hasi finansiá nan eventonan i programanan
pa e aña aki?
Presidente Millerson no por
a kontesta otro, pa indiká ku NAOC tin anos ta boga pa e supsidio bira
mas haltu, pero esaki no ta sosodiendo. E presupuesto pa e preparashon
di Koninkrijksspelen ta suma total mas ku Naf 400.00,00 kaminda Gobièrnu
tin disponibel solamente Naf 250.000,00
Tur
presente a konkluí ku e situashon aki no ta yuda nos talentonan desaroyá
i destaká. NAOC a kaba saka un programa di merkadeo nobo, kaminda ta
buska spònser olímpiko, pa yuda kubri e buraku finansiero. NAOC
a komprometé su mes tambe, ku e federashonnan tambe lo risibí un parti
di e sponsorship Olímpiko, pa ku nan proyektonan.
Un otro punto ku a bini dilanti
ta e struktura deportivo nobo, ku lo ta na vigor na momentu ku
pais Antia no ta eksistí mas. NAOC a trese dilanti ku nan ta bezig
ta analisá diferente opshon for di aña 2005, kaminda tur e federashonnan
a disidí den aña 2006 ku ta mihó pa mantené NAOC komo organisashon
madre pa tur e islanan. Na e Asamblea General tabata tin algun federashon
ku tòch a puntra si e opshon lo ta realístiko. NAOC riba su turno
a informá su miembronan ku lo instalá un komishon pa bolbe repasá
tur e posibilidat ku tin, i espesialmente perkurá ku e situashon nobo
lo kumpli ku tur e reglanan Olímpiko internashonal. Lo tin ku keda
enfoká riba e interes di e atleta riba e islanan.
E próksimo Asamblea General
lo ta fin di mart, kaminda lo elegí un direktiva Olímpiko nobo, pa
e periodo 2009-2012.
| Comments () >> |
 |
 |
