| Nos kosta mester keda liber |
|
|
|
| Wednesday, 21 January 2009 - 07:36 | |||||
 Mayoria di pais ta protehá nan kosta i ta
deklará esaki liber pa tur hende por hasi uso di dje i yega na laman.
Pa pueblo di un isla, e área di rekreashon mas importante ta su
playanan. Piskadó mester por hala nan boto na kantu i tira liña for di
riba baranka. Ora ku un playa ta disponibel únikamente pa wéspet di un
hotèl so, tur otro turista ta keda sin por disfrutá di dje.Dèmpelmentu
i otro kambio di kosta ta kousa daño na refnan. Ya kaba a destruí
vários parti di ref ku ta un atrakshon pa turista sambuyadó. Esakinan
lo stòp di bini Kòrsou i bai otro kaminda manera Boneiru, ku si ta
manehá su kostanan debidamente. Sinembargo, den forma skondí
gobièrnu tras gobièrnu ta permití seramentu i destrukshon di kosta,
tantu legal komo ilegal. Ta sinta tras di porta será parti kosta pa
desaroyadó. Klik read more pa lesa mas.
Ora pueblo ripará algu ya ta lat kaba. Tur esaki ta sosodé
bou di kapa di desaroyo di turismo. Si tur playa kai den man di un
hotèl, kada turista por disfrutá di un playa so, pueblo no por yega
laman mas, piskadónan ta pèrdè nan pan, i atrakshonnan turístiko bou di
awa ta bai pèrdí. Ki sorto di desaroyo esei ta?
DESAROYÁ KOSTA NA BIENESTAR DI UN I TURNos ta fabor di desaroyo banda di kosta, tanten ku esaki no tin konsekuensha negativo pa naturalesa riba tera i den laman, i basta ku kosta mes keda aksesibel. Esaki ta duna espasio pa turismo krese, ofresé oportunidat ekonómiko pa tur sorto di empresa, tene kaminda habrí pa piskadó, i stimulá un uso armonioso pa rekreashon di tantu pueblo komo turista.
Mester stòp ku desishonnan parotin, sin vishon
su tras. Mester krea un vishon pa maneho di nos kostanan ku ta kombiná
turismo, komersio, kultura, rekreashon i
E plannan mester ta balansá, teniendo
kuenta ku e aspektonan ekonómiko, sosial i rekreativo i di medio
ambiente. Punto di salida pa e plannan ta un desaroyo partisipativo.
Tur siudadano i tur empresa, grandi i chikí, mester por partisipá den
uso rekreativo i oportunidatnan komersial di kosta.bibienda riba un manera
duradero, sin pone otro atrakshonnan na peliger. Mester bini ku plannan
pa desaroyo di tur parti di kosta, i tur proyekto serka di kosta mester
kuadra ku e plannan aki.Pa esei sosodé, pueblo mester eksihí ku ta: 1. pone paro na e robo i dunamentu di pida kosta ku ta tumando lugá 2. traha i mantené lei fuerte pa protekshon di henter kosta 3. traha un plan di desaroyo partisipativo, konsultando ku tur sektor di komunidat 4. manehá henter kosta segun e plan aki 5. hiba tur negoshashon ku ta toka kosta riba un manera transparente. Si nos no aktua, pronto partinan di kosta manera Kenepa, Jeremi, Lagun, Sonesta, Rif na Otrobanda, Mari Pampun, Janthiel, península di Caracasbaai, Sta. Barbara i Fuik tur lo bai pèrdí. Pesei, diferente organisashon di bario i komersio a sera man huntu pa hiba un akshon di firma. Tur ku ke por partisipá den e akshon. Riba wepsait www.planmayo.com por haña mas informashon, i download pamfleta i lista pa firma. Otrobanda, 15 di yanüari 2009 Amigu di Tera / Federashon Otrobanda / Fundashon Desaroyo Mari Pampun / Sosiedat di Komersiante di Otrobanda / Unidat di Bario / Fundashon Empresa Chikí
Jeanne Maduro
said:
|
|||||
 |
Mas cu vinticimco ana pasa mi a tende di prome ministe Don Martina, cu na Barbados y Trinidad bo por cana rond di e isla nan aki, sin ningun hende molostiabo. E caminda rond di isla ta di Polis, Duane, Piscado, Turista y habitante di e isla cu ta bin wak nos "Medio Ambiente" cu ainda ta basta virgen. Bo por traha constuchon pero no sera e caminda pa laman. Auto, brandweer,piskado,duane y polis mester por controla e costanan y por subi y baha nan boto y jega serka cu auto pa nan trabow.. Man na obra, habri luga pa hende por goza di nos dushi isla. |
