Na Landhuis Vredenberg UTS a hasi entrega di e promé bikinan di telefon pa 2009. E entrega a wordo efektuá pa e CEO di UTS Sr. Paul De Geus. KPMG e aña aki un bes ta un di e patrosinadònan grandi pa ku e buki y Sr. De Geus tabata hopi gradesí na nan y tur otro ku a duna un man. Klik read more pa mas imágen di e entrega y tambe pa lesa e diskurso di Sr. Paul De Geus.

Kòrda klik “Add Comment” pa duna bo komentario riba e artíkulo aki.

Presentenan tur bon tardi,

Danki pa akseptá nos invitashon pa entrega ofisial di nos buki di telefon 2009. 

Nos ta huntu awe den un dushi ambiente, ku un toke históriko, rondoná pa naturalesa.  E sitio aki, Landhuis Vredenberg ta kuadrá ku e tema di nos buki di telefon ku ta Medio Ambiente. 

Komunidatnan rònt mundu ta birando mas i mas konsiente di e balor di konservashon di nos naturalesa.  Nos pueblo tambe tin nos historia riba e tereno di konservashon banda nos tesoronan di naturalesa konservá. 

Komo kompania nashonal di telekomunikashon, bon konsiente di e importansha di naturalesa pa komunidat, nos ta sintí nos yamá pa duna nos granito di kontribushon na konsientisashon di nos komunidat. 

Nos ta kontentu ku nos ko-patronisadó di e kaft di nos buki di telefon 2009, KPMG, tambe por uní su mes den e esfuerso aki.  KPMG un biaha mas danki pa bosnan konfiansa i patrosinio. 

Manera ta un tradishon e aña aki tambe nos ta koperá ku un instansha den kuido, brindando nan e oportunidat pa duna informashon grátis tokante di nan organisashon i e kousa ku nan ta sirbi.  E aña aki ta toka turno na Kokólode ku ta e Asosiashon di pashèntnan di Higra na Antia Ulandes i Aruba. 

Pa esnan ku no sa esaki ta e asosiashon ku a lanta ku e meta pa yuda pashèntnan ku malesa di higra i di hal.  Por haña e informashon riba e último dos páginanan blou.  Nos ta sostené nan trabou den esaki di e forma aki. 

E buki telefon 2009 manera ta kustumber lo keda repartí dor di Post N.V. na tur kas i negoshinan ku tin un konekshon telefóniko fiho di UTS.   

Lagami, promé mi finalisá,  gradisí:

• UTS su Departamentu di Directory Services i nan tim di benta;
• Zebra Productions, pa e layout i diseño;
• KPMG, pa boso patrosinio di e kaft;
• I tur hende òf organisashon ku di un òf otro forma a koperá pa hasi nos buki di telefon den 2009 atrobe un realidat.  Anto na tempu!

 No a restami nada mas di gradisí komunidat un biaha mas pa e konfiansa demonstrá den UTS. 

Un biaha mas nos buki di telefon ta kla pa drenta kasnan di famia, no únikamente pa ora mester konsulta, pero tambe nèchi asina komo parti di e mobilario stimá den nos kasnan i negoshi. 

Comments (0) >>

Show/Hide comments

Write comment

Show/Hide comment form

Name

Email

Comment

Add Comment