Kontinuando ku e investigashon den e kaso di atrako ku a tuma lugá dia 7 òktober 2008 na Kaya Djogodó, Polis a hasi un detenshon ayera 19 òktober 2009, alrededor di 11’or di anochi, di e último sospechoso den e kaso aki, e mucha hòmber A.I. nasé na Kòrsou, di 15 aña.Detenshon a tuma lugá den e bario di Fortuna.E personal di Atrako Team ta kontinuá ku e investigashon.  Awe, den oranan di mardugá pa mas o ménos 1’or, Polis a detené un menor di edat di 12 aña en konekshon ku atrako.E ta wòrdu sospecha ku den e periodo di 17 pa 19 di yanüari 2009 a kometé atrako riba turistanan den Penstraat i Pietermaai dor di ranka nan tas. Klik read more pa lesa mas!

Den oranan di mainta polis a tene un kòntròl na un skol sekundario den e área di Otrobanda. Durante di e kòntròl  aki a deskubrí dos kuchú den tas di dos  alumno, ademas a haña algun dònderbos i un ‘lighter’ den tas di dos otro alumno. A deskubrí tambe un saku di plèstik ku un supstansia den dje ku finalmente a resultá ku no ta trata di droga. E dos alumnonan ku a haña ku e kuchú a keda detené i despues ku a tende nan i papia ku nan mayornan, a pone nan den libertat. Polis a konfiská tur e artíkulonan ariba menshoná.