Djabièrnè den sala di Passangrahan a huramentá tres diputado nobo pa
Kolegio Ehekutivo di Teritorio Insular di Boneiru.Ta trata aki di sr. James Kroon, sr. Jeffrey Lenenstone i sr. Elvis Tjin Asjoe. Pa
loke ta trata repartishon di tareanan ta lo siguiente, pa diputado
Kroon lo enkargá ku Servios di DROB, Asuntunan Soshal i Bienestar,
Deporte, Agrikultura, Krio di Bestia i Peska, Servisio di Informashon i
Protokòl. Pa diputado Levenstone, Asuntunan General i Hurídiko,
Struktura Estatal, Asuntunan Ekonómiko i Laboral, bou di kua turismo,
empresanan di gobièrnu, Asuntu8nan di personal. Klik read more pa lesa mas.
Sr. Roborgh,
ku ta direktor di ministerio di OCW (Ministerie van Onderwijs, Cultuur
en Wetenschappen) na Hulanda, a bishitá diputado Silberie pa informá
i tuma informashon riba progreso di diferente aktividat ku ta tuma lugá
riba tereno di enseñansa. Sr. Roborgh tin e kartera di Antia i e ta
na kabes di e proseso di transishon pa enseñansa. Na e reunion aki
tambe tabata presente Sr. A. in ‘t Hout ku ta ‘dossierhouder’
i sra. Fillipo. Klik read more pa mas informashon.
Wendell
Robert Gregorio Statie a selebrá 30 aña di hubileo den servisio di gobièrnu di
Boneiru. E selebrashon a tuma lugá na ofisina di haf, na unda Wendell Statie,
mihó konosí komo Winny, ta ehersiendo su labor durante e último 5 aña aki.
E pintor Ronald
Verhoeven lo eksponé su obranan na Kas
di Arte for di 1 di mart te ku 3 di aprel 2009. Den tur su kuadronan Boneiru
ta presente prominentemente. E temanan di su kuadronan kolorido ta testiguá di
su amor pa e isla akí. Leu di e kosta turístiko Boneiru ta úniko. E ta respirá
un forsa ku na tantísimo sitio trankil ta apoderá di bo. Ta esaki Verhoeven ke
ekspresá, e piedranan den tur sorto di koló, e karakterístika straño di kadushi
ku yatu, e bokanan turbulento anto prinsipalmente e hendenan ku ta biba aki.
For di 1998 Verhoeven ta biba na Boneiru. E ta tene eksposishon
regularmente na Oropa i por topa su kuadronan na diferente bolsa di arte. Riba
su wèpsait www.ronaldverhoeven.com
por mira un kolekshon di Verhoeven su obranan i tambe e wèpsait ta duna
oportunidat pa drenta den kontakto kuné
Djabièrnè 13 di febrüari den oranan di
mainta e grupo musikal di Boneiru Tutti Fruti, representá dor di sra. Emma St.
Jago i sra. Veronica Mersera, a bishitá gezaghebber di Teritorio Insular di
Boneiru, sr. Glenn Thodé.
Meta di e bishita tabata pa sera konosí i entregá
gezaghebber nan disko kompakto mas resien den kuadro di selebrashon di nan 15
aniversario.
Posibilidad pa aporte den drechamentu di enesnansa
Thursday, 12 February 2009 - 00:00
Den un karta pa fèlt di enseñansa
na Bonaire diputado di enseñansa, Maritsa Silberie ta anunsiá
ku el a habri un adrès di email spesial
pa tur hende por manda idea, sugerensha, remarke òf proposishon
pa drecha kualidat di enseñansa direktamente p’e. E adrès
di email ta:
This e-mail address is being protected from spam bots, you need JavaScript enabled to view it
Manera ta konosí, diputado
Silberie, a anunsiá siman pasá den Konseho Insular ku el
a komprometí su mes pa perkurá ku den aña 2009 mes ta kuminsá ku
un proseso di mehorashon di enseñansa na tur skol di Bonaire i pa start
ku un plan pa e rekobrá e retraso serka nos muchanan manera
a keda konstatá den e rapòrt di inspektornan di Hulanda.
