24ora.an - E Prome den Notisia

Deporte

NAOC ta partisipá na kongreso internashonal di Deporte & Medio ambiente

Friday, 20 March 2009 - 11:02

Komité olímpiko di Antia (NAOC) a haña un invitashon pa partisipá na e kongreso internashonal di “Deporte & Medio ambiente”. Esaki lo tuma lugá den e periodo 29-31 di Mart 2009, na Vancouver (Canada). Vancouver ta e suidat olímpiko ku lo organisá e Weganan olímpiko di Verano na aña 2010. E kongreso ta enfoká riba vários tópikonan ku ta mustra riba e efekto positivo ku deporte por tin riba Medio ambiente. Pa saka mas tantu benefisio for di partisipá na e kongreso aki, NAOC a skohe SELIKOR, pa manda un representante. E representante, sr. John Amarica aki a kombersá ku presidente di NAOC, sr. William jr. Millerson, pa haña mas informashon riba e ekspektativa di NAOC. Ora sr. Amarica regresá for di e kongreso, elo reportá ofisialmente i duna algun presentashon pa nos organisashonnan deportivo.

Add Comment (0)

Kompetensia di atletismo den S.D.K.

Wednesday, 11 March 2009 - 00:00

C.A.B. i N.A.A.U. ta partisipá ku djabièrnè dia 13 di mart i djasabra dia 14 di mart 2009 lo bai tin kompetensia di atletismo den S.D.K.E kompensianan aki ta di gran importasia pa motibu ku resultado di e kompetensianan akí lo determiná kua atleta lo bai forma parti di selekshon di Antia ku lo bai representá nos na Carifta Games i Weganan di Reino. Pues lo bai tin partisipashon tambe di atletanan di Isla Riba i Boneiru.Djabièrnè dia 13 di mart e evento ta kuminsá mitar di shete di anochi ku un desfile di e klupnan.Relashoná ku aña di Kultura e desfile lo tuma lugá ku akompañamentu musikal di grupo di seú OBA.Komo parti di apertura ofisial lo bai tin diskursonan di respektivamente Sr. Raymond Jansen, presidente di Curacaose Atletiek Bond i sr. Rudsel Martina, presidente di Federashon di Atletismo Antiano. Despues diputado di Enseñansa , Kultura i Deporte Sra. Alcala - Wallé lo efektuá apertura ofisial di e kompetensia. Klik read more pa e skema

Add Comment (0)

CAS Desishon Medaya Olímpiko

Friday, 06 March 2009 - 00:00

Pa medio di esaki, na nòmber di Komité Olímpiko di Antiyas Hulandes (NAOC) mi ta informá ku e Tribunal Internashonal di Deporte (CAS) a duna su veredikto relashoná ku e kaso di Churandy Martina: NAOC a apelá e desishon tuma dor di e “Jury of Appeal” di e Federashon Internashonal di Atletismo (IAAF) riba 23 di ougùstùs 2008, na fin di e Weganan Olímpiko na Beijing. Riba 22 di sèptèmber e Komité Olímpiko di Merka (USOC) a pidi pa partisipá den e arbitrahe.

Add Comment (0)

Veredikto kaso Medaya Olímpiko postpone atrobe te dia 13 di Mart 2009

Tuesday, 17 February 2009 - 19:23

Pa medio di e komunikado aki, NAOC ke informá un i tur, ku e Tribunal internashonal di Deporte (CAS) a postpone e kaso di Churandy atrobe te 13 di Mart 2009.
Komite Olimpiko a entrega nan keho riba 23 di ougustus 2008 na Beijing, pa apela e diskwalifikashon di nos Atleta Churandy, kende inisialmente a gana e medaya di plata riba e 200 m Atletismo

Click Riba: Read More

Add Comment (1)

UTS ta sigi sostene hoben pelotero

Friday, 13 February 2009 - 00:00

UTS, spònser eksklusivo di Jair Jurrjens, ta orguyoso di por prolongá pa di dos biaha e relashon aki ku nos pelotero ehemplar yu di Korsou pa otro temporada i asina sigui sosten’é den su karera deportivo di Baseball Grandes Liga. UTS ta sumamente orguyoso di por prolongá e patrosinio eksklusivo pa loke ta trata telekomunikashon di Jair Jurrjens, nos orguyo, nos pelotero yu di Kòrsou ku ta forma parti di Atlanta Braves. UTS ta premirá ku e lo sigui tin gran éksito manera den aña 2008 pa asina sigui saka kara di Kòrsou. UTS ta apoy’é finansieramente den su desaroyo deportivo. Naturalmente pa fasilitá su komunikashon for di eksterior i ora e ta na Kòrsou, UTS ta patrosin’é tur servisio di selular, internèt i telefon fiho pa e por keda den kontakto ku su sernan kerí. Klik read more pa lesa mas y mira mas imagen.

Add Comment (1)

More...

<< Start < Prev 1 2 3 4 5 Next > End >>

Results 46 - 60 of 62