24ora.an - E Prome den Notisia

Lokal

Apresio pa trabou di direktor di AMFO

Tuesday, 20 January 2009 - 00:10

Agradesidu pa e manera ekselente ku nan a hasi nan trabou, Konseho di Supervishon (‘Raad van Toezicht’) di Stichting Antilliaanse Mede Financierings Organisatie (AMFO) pronto ta despedí na un forma apropiá di e èks direktor di AMFO Stanley Betrian i e kolaboradó ehekutivo Raquel Weisz. Na desèmber 2005 sr. Betrian a tuma posishon komo direktor di AMFO, ku e enkargo pa restrukturá e organisashon. Komo direktor e tabata responsabel tambe pa preparashon, desaroyo i ehekushon di e maneho i pa sigurá un bon eksplotashon di e organisashon. Entrante 31 di Desèmber 2008 su kontrakt a ekspirá. E hecho ku el a realisá su tarea minusiosamente ta evidente mirando e prosedimentunan di desishon kla ku a ser desaroyá i introdusí bou di su maneho. Tambe AMFO a hasi uso di práktikamente tur e fondonan ku gobièrnu Hulandes a pone disponibel pa aña 2008.

Add Comment (0)

Shofurnan di bus ta siguí den guera

Monday, 19 January 2009 - 06:38

Tin un guera entre gobièrnu i shofùrnan di bus tokante di bahamentu di preis di bus. 24ora a kombersá ku Sr. Andres Everitz, bosero di STU tokante e último desaroyonan. Gobièrnu a saka un lista di preis pa transporte di bus chikí i esei a trese masha hopi konfushon den komunidat. Segun STU nan tabata tin un kombenio ku gobièrnu a base di un akuerdo di 4 di yüni 2008, ku nan lo sinta na mesa pa nan yega na un struktura ku ta bai rònt di e tarifanan i reorganisashon di e struktura ku tur loke tin di haber ku e problemanan den transporte públiko di bus chikí i bus mediano. Gobièrnu no a mantené nan e palabrashon. For di 15 di yanüari nan a haya nan ku un káos, e struktura di transporte ta kompletamente bruha. Gobièrnu a pone ku awe henter e komunidat ta konfundí. Klik read more pa lesa mas!

Add Comment (0)

Entrega di premio di kampańa di Chippie

Monday, 19 January 2009 - 06:29

Chippie su tremendo kampaña pa fin di aña 2008, ‘Realisá bo soño ku Chippie’ ta tras di lomba i a hasi hopi kliente felis i kontentu ku premionan fabuloso. Entre otro dos outo NOBO NOBO i hopi premio mas. Entre otro trepnan ku barku krusero, diferente pasashi ida i buèlta, laptop, LCD ‘scherm’ grandi, gasolin 1 aña paga, kuenta di telefòn 1 aña paga, kuenta di Aqualectra 1 aña paga i kompra den un supermerkado 1 aña pagá, frizer, ‘gift cheque’ di diferente lugá, telefònnan selular, krédito na yamada, I-pod, DVD player, i muchu mas. Klik read more pa lesa mas.

Add Comment (1)

UNA Carreer Center cu apertura awor cu foto

Saturday, 17 January 2009 - 08:35

Djabièrnè a tuma lugá e gran apertura di Career Center na Universidad di Antias. Career center ta espesialmente pa studiante nan ku ta bishita UNA y ku lo kier desaroyá nan mes pa bira un mihó profeshonal den futuro. Career Center ta ofresé e studiante diferente servicio entre otro studiante nan ku kier traha un asina jama “bijbaan” banda di ta bai skol e oportunidat pa hanja un asina aki, studiantenan ku ta jega e etapa pa bai stage Career Center lo por yuda nan ku esaki, mas a lew diferente kompania ku lo mester di un òf mas studiante ku lo por hasi sierto investigashon òf proyekto pa nan por informá Career Center. Klik read more pa mas imagen.

Add Comment (0)

Ekposishon di Divino 2 na biblioteka publiko

Saturday, 17 January 2009 - 08:31

Na biblioteka publiko Sra. Bianca Neman tabata tin un eksposishon di e ilustrashonnan ku lo ta parti di su buki di poesia, Divino 2. Diferente hoben di Maria Imaculata Lyceum (MIL) i su ju muhe Diva Dee Sillie, na kual e buki ta dedika, a traha riba e ilustrashonnan. E buki ta kontene 30 poesia. Sra Bianca Neman a aserka e maestra di arte di MIL i el a aserka e hobennan puntra nan si nan ke pinta. E hobennan a lesa e poesianan, skohe esun ku ta papia ku nan i ilustra e kontenido di e poesia. Klik read more pa lesa mas y add comment pa pone komentario.

Add Comment (0)

More...

<< Start < Prev 31 32 33 34 35 36 37 38 39 Next > End >>

Results 571 - 584 of 584