|
DROV a para konstrukshon di garashi di parker |
|
|
|
|
Monday, 22 June 2009 - 08:13 |
Nos a nota ku e trabounan di konstrukshon di e garashi di parker den Punda a wordu pará dor di DROV. E desaroyadó a trese sierto kambionan den e proyekto. A surgi diskushonnan tokante di e material ku ta wordu usá i riba altura di e proyekto. Diputado di DROV, Sr. Anthony Godett, a konfirma e intenshon pa para e proyekto momentaneamente pa delibera i pa hasi ahustenan. Nos lo sigi e desaroyonan pa ku e proyekto aki.
|
|
|
Graduashon na Adventschool |
|
|
|
|
Monday, 22 June 2009 - 08:11 |
Diasabra un total di 82 alumno di Adventschool a gradua. E alumnonan aki lo sigi pa skolnan avansa na ougustus benidero. E alumnonan a tuma despedida di nan juffrouwnan di skol basiko, tabata tin sentimentunan miksto na e momentu ei, e alumnonan tabata kontentu ku nan a gradua i pasa pa un otro skol, pero tambe nan mester a despedi di nan maestranan ku a eduka nan durante añanan. Nos ta desea kada un di e alumnonan aki hopi eksito den futuro. Un pabien speshal pa Shaquille Ortega i Jonathan La Cruz.
|
|
|
Korsow a konose su prome kasonan di H1N1 |
|
|
|
|
Friday, 19 June 2009 - 17:01 |
|
 Gezaghebber a anunsia ku Korsow a konose su prome kasonan di Swine Flu.
Esey ta hasi ku instansianan konserni a kuminsa tuma akshonnan pa esaki
pa e kantidad di kaso keda minimo. Klik play pa tende loke gezaghebber tin di bisa.
|
|
|
Síntomanan di e grip di porko esta e virus A ( H1N1) |
|
|
|
|
Friday, 19 June 2009 - 16:52 |
 E palabranan grip, flu i influènza ta sinónimo
di otro. Síntomanan di e grip aki ta:
- Keintura,
- Tosamentu
- Kurpa sin grasia (letargia),
- Falta di apetit,
Tin kaso a raportá tambe:
- Nanishi ku ta kore,
- Doló di garganta,
- Doló di kurpa,
- Walmentu di stoma, sakamentu
i habrimentu di barika.
Segun outoridatnan e manera di transmishon
ta di hende pa hende, ora ku e pashènt nister i/òf tosa.
|
|
|
Rekomendashonnan pa preveni grip di porko |
|
|
|
|
Friday, 19 June 2009 - 16:52 |
 E rekomendashonnan ta lo siguiente: Tapa nanishi i boka ora bo tosa i/òf nister. Preferiblemente usa klinèks un biaha so i benta esaki afó mesora despues di uso. Laba man regularmente ku awa i habon spesialmente despues di tosa i nister. Uso di e gèlnan di limpia man ku ta kontené alkohòl tambe ta efektivo. Evitá di mishi ku wowo, nanishi i boka, komo ku ta asin’aki e vírùs ta pasa di hende pa hende. Mantené un ambiente limpi i higiéniko. Limpia i desinfektá man di porta, kranchi di awa, kònòpi di flùsh tualèt, yabinan, ko’i hunga (mamadó, peluche etc), telefòn, aanrecht i otro artíkulonan di uso dor di diferente persona. Klik read more pa mas tep!
|
|
|
|
<< Start < Prev 21 22 23 24 25 26 27 28 29 30 Next > End >>
|
| Results 436 - 450 of 584 |
