Gobièrnu di Pais Kòrsou den representashon di Minister di Salubridat, Medio Ambiente i Naturalesa, sra. Jacinta Constancia, ta anunsiá ku den kuadro di kombatimentu di dengue i e sangura ku ta transmití dengue, konosí komo Aedes (Stegomyia) aegypti, lo intensifiká medidanan riba tèrmino korto.Klik read more pa mas informashon...

Minister di Desaroyo Ekonómiko, sr. Nasser El Hakim, ta organisá un mainta di informashon tokante detayenan di un plan di ayudo pa komersiantenan ku a sufri daño pa motibu di tormenta tropikal Tomas. Djabièrnè mainta Minister Nasser El Hakim, den kompania di su kolaboradónan, a reuní ku presidente di Asosashon di Bankero, Kámara di Komersio i Korpodeko. Klik read more pa mas informashon...

Den un reunion ku e asosashon di kompania di seguro na Kòrsou, Minister enkargá ku Desaroyo Ekonómiko sr. Nasser El Hakim, a ekspresá su prekupashon pa e situashon di víktimanan di e tormenta tropikal Tomás na Kòrsou. E minister a mustra e kompanianan akí riba nan responsabilidat pa no solamente yuda nan klientenan pero tambe esnan ku te ku awor pa un motibu òf otro no ta sigurá. Klik read more pa mas informashon...

Direktiva di e fundashon Sentro Pro Arte (SPA) i Gobièrnu di Kòrsou mester di otro pa por yega na realisá e soño di por disponé atrobe di un teater nashonal komo sentro di su ekspreshonnan kultural. P’esei e fundashon ke drenta den un dialogá sano ku gobièrnu pa wak kon por haña otro di moda ku riba término mas kòrtiku posibel i na e kondishonnan mas kumbiniente pa komunidat por yega na e teater nashonal di klase ku Kòrsou meresé di tin. Klik read more pa mas informashon...